Վարդան Գրիգորյան

Վարդան Գրիգորյան, բաս-կիթառահար. Ծնվել է 1962թ. ապրիլի 9-ին, Երևանում: 1970-ականներից նվագել է մի շարք ջազ, բլյուզ և ռոք խմբերում` «Լաքի Սթար», «Ֆորտե», «Կլեպ և Վահագ», «Համբերդ», «Սոմա»:

1994-2007թթ միացել է «MDP» ռոք խմբին` որպես բաս կիթառահար: 2000թ. թողարկել է «Վիբրոգրաֆուս» ալբոմ, 2003թ. հիմնադրել է նույնանուն ձայնագրման ստուդիա:

2007թ. ստեղծել է «Վիբրոգրաֆուս» ընկերությունը` հայկական ռոք երաժշտությունն ու ասպարեզը զարգացնելու նպատակով, որի տնօրենն է:

2009թ-ից ընկերության նախաձեռնությամբ համերգով Հայաստան են հրավիրվել աշխարհահռչակ լեգենդար խմբեր` «Jethro Tull», «Uriah Heep», «John McLaughlin», «Deep Purple»:

2011թ-ից հիմք է դրել «Yerevan Summer Music Festival» ամենամյա միջազգային երաժշտական փառատոնին: 2008թ. կիթառահար Հենրի Գրիգորյանի հետ համատեղ ստեղծել է «Դոգմա» պրոգրեսիվ էթնիկ մետալ խումբը: