Թուշիկ Խաչատրյան

Թուշիկ Խաչատրյան (օգոստոսի 10 (23), 1905, Բաքու - նոյեմբերի 11, 1978, Երևան), օպերայի հայ երգչուհի (քնարական սոպրանո), ՀԽՍՀ ժողովրդական արտիստ (1956)։ Ծնվել է Բաքվում։

1932 թվականին ավարտել է Երևանի Կոմիտասի անվան կոնսերվատորիան։ 1932 թվականից երգել է Երևանի Ա. Սպենդիարյանի անվան օպերայի և բալետի ազգային ակադեմիական թատրոնում, որտեղ նրա կատարած դերերից են՝ Անուշ, Օլիմպիա («Արշակ Բ»), Միքաելա («Կարմեն»), Ջիլդա («Ռիգոլետտո»), Մարջան («Մարջան»), Մարգարիտ («Ֆաուստ»), Նիգար («Քյոռ օղլի»), Անտոնիդա («Իվան Սուսանին») և այլն։

Արժանացել է Պատվո նշան շքանշանի։