Էդուարդ Դայան

Էդուարդ Արամայիսի Դայան (1930, հոկտեմբերի 28, Երևան), ջութակահար, մանկավարժ, ՀԽՍՀ արվեստի վաստակավոր գործիչ (1983)։

1954 թվականին ավարտել է Մոսկվայի կոնսերվատորիան։ 1955-1960 թվականներին եղել է Նովոսիբիրսկի ֆիլհարմոնիկ, օպերայի և բալետի թատրոնի նվագախմբերի, լարային քառյակի ջութակահար։ 1961 թվականից դասավանդել է Երևանի կոնսերվատորիայում, պրոֆեսոր՝ 1984 թվականից, 1976 թվականից՝ որակավորման բարձրացման ֆակուլտետի դեկան, 1987-1989 թվականներին՝ պրոռեկտոր։ 1995 թվականին՝ ասպիրանտուրայի բաժնի վարիչ։ Որպես մենակատար ելույթներ է ունեցել Չինաստանում,ԱՊՀ երկրներում։ Հեղինակ է մեթոդիստական ձեռնարկների։

Մրցանակներ
Համամիութենական փառատոնի դափնեկիր, Մոսկվա, 1957