Ավագ Մարգարյան

Ավագ Մարգարյանը ծնվել է 1984թ. հունվարի 1-ին Երևանում: 1995 թվականից հաճախել է Երևանի Տ. Չուխաճյանի անվան երաժշտական դպրոցի շվիի դասարան: 1999-2004թթ. նվագել է «Ակունք» ազգագրական խմբում:

2000-2007թթ. հաճախել է բլուլի դասերի Նորայր Քարտաշյանի մոտ: 2001-2006թթ. սովորել է Երևանի Կոմիտասի անվան պետական կոնսերվատորիայում: 2003 թվականից նվագել է «Արմադամ», 2006 թվականից` «Արտ Վոիսիս», 2008 թվականից` «Ռիփրայզ» խմբերում: 2009թ. «Արտ Վոիսիս» խմբի հետ մասնակցել է Ռումինիայում տեղի ունեցող «Եվրոպա Ֆեսթ» մրցույթին և արժանացել «Գրան Պրի» մրցանակին:

Համագործակցում է հայ երգարվեստի բազմաթիվ ներկայացուցիչների հետ` Ինգա և Անուշ Արշակյաններ, Ռազմիկ Ամյան, Ալլա Լևոնյան, Շուշան Պետրոսյան, Գոհար Հովհաննիսյան, նաև` Հայաստանի պետական ջազային նվագախմբի հետ: Համերգային հյուրախաղերով հանդես է եկել բազմաթիվ երկրներում: Որպես բլուլահար` ներկայացել է «Արմադամ», «Արտ Վոիսիս», «Ռիփրայզ» և այլ խմբերի ու երգիչ-երգչուհիների ձայնասկավառակներում: