Սեպուհ Աբգարյան

Սեպուհ Աբգարյան, դիրիժոր, կոմպոզիտոր: Ծնվել է Կիպրոսի մայրաքաղաք Նիկոսիայում: Ավարտել է տեղի Մելգոնյան հայկական վարժարանը` Վահան Պետելյանի դասարանը, որից հետո ուսումը շարունակել է Փարիզում:

Որպես օպերային երգիչ, համերգներով հանդես է եկել Նիկոսիայում, Աթենքում, Բեյրութում, Հալեպում, Կահիրեում, Փարիզում և այլ քաղաքներում: Դասավանդել է Նիկոսիայի Մելգոնյան վարժարանում և ղեկավարել է վարժարանի երգչախումբը:

46 տարի Կիպրոսի հեռահաղորդակցության միությունում հիմնադրել և հեռարձակել է հայկական հաղորդումներ: Հեղինակել է մի շարք երգեր, կամերային, սիմֆոնիկ երաժշտություններ, օրատորիաներ, որոնք կատարվել են աշխարհի մի շարք երկրներում` Տոկիո, Փարիզ, Կիպրոս, Լիբանան, ԱՄՆ և արժանացել մրցանակների:

Եղել է «Կոհար» սիմֆոնիկ նվագախմբի և երգչախմբի գեղարվեստական ղեկավարն ու գլխավոր դիրիժորը: Մահացել է Նիկոսիայում: