Վարդան Գասպարյան

Վարդան Գասպարյան, կիթառահար: Ծնվել է 1974թ. մայիսի 11-ին: 1996թ. ավարտել է Երևանի պետական ճարտարագիտական համալսարանը: Ակուստիկ կիթառ պարապել է Վարդան Վարդանյանի մոտ երկու տարի (ֆլամենկո, դասական): Էլեկտրական կիթառ սովորել է ինքնուս: 

1994թ. եղել է «Սոֆթ» ռոք խմբի հիմնադիրներից: 1999թ-ից համերգներով հանդես է եկել որպես մենակատար կիթառահար: 2001թ. որպես կիթառահար և հեղինակ միացել է «Օակսենհամ» պրոգրեսիվ-ռոք խմբին: Որպես հեղինակ և համահեղինակ համագործակցել է «Արմադամ» ֆոլկ-ջազ խմբի հետ: Ձայնագրություններում և համերգային կատարումներում համագործակցել է Վահագն Հայրապետյանի, Լիլիթ Պիպոյանի, Ինգա և Անուշ Արշակյանների, «Արձագանք» խմբի և այլոց հետ:

2005-10թթ դասավանդել է  Ասլամազյանի անվան երաժշտական դպրոցում: 2008թ. հիմնադրել է «Վարդան Գասպարյան» ջազ-կիթառ տրիոն, որը կատարում է իր և տարբեր ջազային երաժիշտների ստեղծագործություններ: 2010թ. «Արմ-կիթառ» տրիոյի մասնակից է Հակոբ Ջաղացպանյանի և Բորիս Անդրեասյանի հետ: 2011թ. կոմպոզիտոր և դաշնակահար Վարդան Հարությունյանի հետ հիմնել է «Lighthouse new jazz project» դուետը: Մի շարք երգերի և գործիքային ստեղծագործությունների հեղինակ է: