Սերգեյ Ասլամազյան

Սերգեյ Ասլամազյան (1897, փետրվարի 2 (փետրվարի 14) , Մոզդոկ - 1978, սեպտեմբերի 27, Մոսկվա), թավջութակահար, մանկավարժ։ ՀԽՍՀ ժողովրդական արտիստ (1945)։

1915-1918 թթ. և 1922-1927 թթ. սովորել է Մոսկվայի կոնսերվատորիայում: 1937 թվականից դասավանդել է նույն կոնսերվատորիայում, պրոֆեսոր՝ 1947 թվականից: 1925-1968 թթ.՝ Կոմիտասի անվան քառյակի հիմնադիր-անդամներից:

Կատարել է փոխադրումներ լարային քառյակի, լարային նվագախմբի, թավջութակահարների անսամբլի համար։

Կոմիտասի մի շարք երգերի Ասլամազյանի մշակումները («Շողեր ջան», «Հաբըրբան», «Չինար ես», «Գարուն ա», «Քելեր-ցոլեր», «Երկինքն ամպել ա» և այլն) հայկական կվարտետային գրականության լավագույն էջերից են։