Էդուարդ Բաղդասարյան

Էդուարդ Բաղդասարյան, հայ կոմպոզիտոր, ՀԽՍՀ արվեստի վաստակավոր գործիչ (1963)։ Ծնվել է Երևանում։ Միջնակարգ կրթությունն ստացել է Թբիլիսիում։

Միաժամանակ սովորել է երաժշտական տասնամյակում։ 1941-ին ընդունվել է Թբիլիսիի պետական կոնսերվատորիան, իսկ 1946-ին տեղափոխվել է Երևան, ուսումը շարունակել Կոմիատասի անվան պետական կոնսերվատորիայում, որն ավարտել է 1950-ին։

1951-53-ին սովորել է Մոսկվայում, հայկական մշակույթի տանը։ Վերադառնալով Երևան՝ դասավանդել է կոնսերվատորիայում։ Ռոմանոս Մելիքյանի անվան երաժշտական ուսումնարանում եղել է ստեղծագործական դասարանի ղեկավար։

Ստեղծագործել է տարբեր ժանրի բազմաթիվ երկեր՝ դաշնամուրային պրելյուդներ, սոնատ կլառնետի և դաշնամուրի համար, ռապսոդիա ջութակի և նվագախմբի համար և այլն։ «Տժվժիկ» ֆիլմում օգտագործվել է նրա երաժշտությունը։