Արսեն Գրիգորյան

Արսեն Գրիգորյան - Մրո, երգիչ: Ծնվել է 1968թ. դեկտեմբերի 7-ին, Սիրիայի Ղամիշլի քաղաքում, սասունցիների ընտանիքում: Ուսանել է տեղի հայկական վեցամյա դպրոցում, ապա` Սիրիայի պետական դպրոցում: 1987թ. վերադարձել է Հայաստան և ընդունվել Է Երևանի Կոմիտասի անվան պետական կոնսերվատորիա ու ստացել արվեստի վարպետի որակավորում` ավարտելով նաև ասպիրանտուրան:

1998թ. թողարկել է «Մրրո» ձայնասկավառակը: Երգել է նաև «Ակունք» ազգագրական երգի և պարի համույթում: Տեսահոլովակներ է նկարահանել Սանդի «Խիո-Խանե»,Գուսան Աշոտի «Հով գիշեր, զով գիշեր», Աշուղ Հավասու «Յարը մարդու յարա կուտա», Շերամի «Մեջս կյանք չմնաց» երգերի հիման վրա: 

2004թ. հիմնել է «Հայ երգասաններ» մեներգիչներից կազմված խումբը: Արժանացել մի շարք մեդալների` «Գարեգին Նժդեհ», «Զորավար Անդրանիկ», «Վարդան Մամիկոնյան» և այլն: Արժանացել է բազմաթիվ մրցանակների ամենամյա մրցանակաբաշխություններում` «Տարվա լավագույն ժողովրդական երգիչ», «Տարվա լավագույն ժողովրդական ալբոմ» և այլն:

2008թ. արժանացել է ՀՀ վաստակավոր արտիստի կոչմանը: 2009թ. վերաթողարկել է «Մրրո» ձայնասկավառակը: Համերգներով հանդես է եկել Հայաստանում և աշխարհի բազմաթիվ երկրներում: 2011թ. հիմնել է «Մրրո» նվագախմբը: